Аргентина терма жамоаси сардори Лионель Месси амалдаги Америка Кубоги соҳиби ҳамда Европа чемпиони ўртасидаги анъанавий Финалиссима баҳси бекор қилинганидан кескин норозилигини билдирди. ESPN нашрининг хабар беришича, 38 ёшли ҳужумчи учун ушбу учрашув муҳим аҳамият эга бўлган эди.
Месси мазкур ўйинни Жаҳон чемпионатига тайёргарликнинг асосий босқичи деб ҳисоблаган, шунингдек, ўзининг бой коллекциясига яна бир совринни қўшиб қўйишни мақсад қилганди. Аммо учрашув ўтказилмайдиган бўлди.
Дастлаб Аргентина ва Испания ўртасидаги баҳс март ойи охирида Қатарда бўлиб ўтиши режалаштирилган эди. Бироқ Яқин Шарқдаги вазиятнинг кескинлашуви сабабли ташкилотчилар режани ўзгартиришга мажбур бўлди.
УЕФА муқобил вариант сифатида ўйинни Мадриднинг “Сантяго Бернабеу” стадионида ўтказишни таклиф қилди, аммо Аргентина томони бу ғояни қўллаб-қувватламади. Шунингдек, Мадрид ва Буэнос-Айресда икки ўйинли форматни ташкил этиш бўйича музокаралар ҳам муваффақиятсиз якунланди. Якунда ташкилотчилар 27 ёки 30 март кунлари ўйинни қабул қиладиган бошқа мос Европа аренасини топа олмади.
«Реал»дан учралган мағлубиятдан сўнг «Манчестер Сити» кийиниш хонасида нималар бўлди?
Эроннинг ўрнига Жаҳон чемпионатига бориши мумкин бўлган терма жамоалар номи маълум бўлди
Гвардиола йирик мағлубиятдан кейин Ҳусановга ишонадими? "Сити"нинг бугунги ўйин учун тахминий таркиби
