Париж шаҳридаги Елисей майдонида бўлиб ўтадиган Artcurial халқаро аукцион уйининг савдосида Эйфел минорасининг 1983 йилда демонтаж қилинган бир қисми савдога қўйилади. Миноранинг савдога қўйиладиган қисмининг баландлиги тўрт метрдан зиёд ва 25 та пиллапояга эга. Бу ҳақда «Корреспондент.net»га асосан Дарё нашри хабар берди.
Экспонат 1889 йилда қурилган асл винтли зинанинг бир қисми саналади. У бир вақтлар миноранинг иккинчи ва учинчи қаватларини бирлаштириб турган. Аукцион 27 ноябрга белгиланган. Зина 60 минг еврога баҳоланмоқда.
Зина 1983 йилда Эйфел минорасининг сўнгги иккита қавати ўртасида лифт ўрнатилган вақтда демонтаж қилинган. Натижада демонтаж қилинган қисм баландлиги икки метрдан тўққиз метргача бўлган 24 та сексияга бўлинган.
Зинанинг турли қисмлари бугунги кунда нуфузли муассасалар мулкида, шунингдек, бутун дунё бўйлаб хусусий коллекцияларда жойлашган.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
