Европарламент ЕИни Украинага ҳарбий ёрдамни "сезиларли даражада ошириш ва тезлаштириш" ҳамда Россия бошлаган урушни тугатиш бўйича музокараларда фаол иштирок этишга чақирди. Шунингдек, Киев учун ишончли хавфсизлик кафолатларини ишлаб чиқиш жараёнига қўшилиш муҳимлиги таъкидланди.
12 март куни Страсбургда қабул қилинган резолюцияда Евроиттифоққа аъзо давлатларнинг ҳарбий ёрдами "Россиянинг тажовузкор урушини тўлиқ тўхтатиш ва Украинага халқаро тан олинган чегаралари доирасида барча ҳудудлари устидан назоратни тиклаш имконини берадиган даражада бўлиши кераклиги" таъкидланган.
Резолюцияга кўра, Европа Иттифоқи "Украинанинг асосий стратегик иттифоқчиси ва энг йирик донори" бўлиши лозим. Европарламент, шунингдек, аъзо давлатларни Киевга ўқ-дори ва қурол етказиб беришни тезлаштиришга чақирди.
Европарламент аъзолари фикрича, "Россиянинг ҳарбий иқтисодиёти барқарор эмас" ва "ЕИнинг мувофиқлаштирилган босими ҳамда Украинага ҳарбий ёрдамни кучайтириш" Россия бошлаган урушни тугатиш бўйича музокараларда Киевнинг позициясини мустаҳкамлаши мумкин.
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
Россия Хитойдан тинчликпарвар кучларни қабул қилишга рози
