Европа Иттифоқи 2024 йилдан бошлаб барча гаджетлар учун зарядловчи қурилмаларнинг ягона стандарти бўйича келишиб олди

Европа Иттифоқи 2024 йилдан бошлаб барча гаджетлар учун зарядловчи қурилмаларнинг ягона стандарти бўйича келишиб олди, деб хабар бермоқда Европарламент матбуот хизмати

2024 йилнинг кузига келиб, USB Тype–C Европа Иттифоқидаги барча мобиль телефонлар, планшетлар ва камералар учун умумий зарядлаш портига айланади. Бу ҳақда Европа парламенти ва Кенгаши вакиллари бугун келишиб олишди.

Янги келишув истеъмолчиларга йилига 250 миллион евро миқдоригача зарядловчи қурилмаси харид қилишда тежашга ёрдам бериши кутилмоқда.

Шу сабабли Apple ҳам iPhone конфигурациясини Lightining улагичисиз синовдан ўтказмоқда, унинг ўрнига USB–C paydo бўлиши мумкин — компания iPhone тарихида иккинчи марта зарядлаш портини ўзгартиради.‌‌