Эверест ёнбағирларидан 11 тонна чиқинди олиб чиқилди. Тўлиқ тозалаш давом этади.
Эверест чуқур тозалашдан ўтди: Непал ҳукумати томонидан молиялаштирилган жамоа бир неча ҳафта давомида асосан таянч лагерь ҳудудидаги қияликларни тозалашга сарфлади. Улар 11 тонна ахлат йиғишди, бироқ тоғни тўлиқ тозалашга кўп йиллар керак бўлиши мумкинлигини айтишди – гарчи яқинда вазият ижобий томонга ўзгарган бўлса ҳам, дея хабар беради Euronews.
«Ахлатнинг аксарияти эски экспедициялардан. Охиргилардан унчалик эмас, чунки бугунги кунда ҳукумат ва маҳаллий ҳокимият томонидан белгиланган қоидалар янада қаттиқроқ, альпинистларнинг ўзлари эса масъулиятлироқ», — дейди Анг Бабу Шерпа.