Эстонияда совет обидалари олиб ташланади

Эстония ҳукумати совет обидаларини жамоат жойларидан олиб ташлашга қарор қилди, деб хабар берди РИА Новости.

"Вазирлар Маҳкамаси йиғилишида биз ишғолчи давлат рамзлари туширилган ёдгорликларни жамоат жойларидан олиб ташлашни қандай давом эттиришни батафсил муҳокама қилдик. Ҳисоб-китобларга кўра, Эстонияда уларнинг сони 200 дан 400 тагача. Асосийси қарор қилинди — қизил ёдгорликларни жамоат жойларидан олиб ташлаш керак ва биз буни имкон қадар тезроқ бажарамиз", деди Эстония Бош вазири Кая Каллас матбуот анжуманида.