АҚШ томонидан янги ҳужумлар бўлган тақдирда можаро минтақа чегарасидан чиқиб кетиши мумкин. Бу ҳақда Эрон Ислом инқилоби қўриқчилари корпуси (КСИР) баёнотида маълум қилинди. Баёнот АҚШ президенти Дональд Трампнинг эҳтимолий янги зарбалар ҳақидаги баёнотлари ортидан янгради.
Трамп журналистларга Эрон билан музокаралар “якуний босқич”га кирганини айтди. Шу билан бирга, келишувга эришилмаса, Вашингтон “нохуш қадамлар” ташлаши мумкинлигини билдириб, ҳарбий ҳаракатлар қайта бошланишига ишора қилди. Унинг сўзларига кўра, АҚШ дипломатияга яна бир имконият беришга тайёр.
Теҳронда эса Вашингтоннинг баёнотлари янги ҳужумларга тайёргарлик сифатида баҳоланмоқда. Эрон парламенти спикери Муҳаммад Боқир Қолибоф “душманнинг ошкора ва яширин ҳаракатлари” АҚШ зарбаларни қайта бошлашни режалаштираётганидан далолат беришини айтди.
Шу билан бир вақтда дипломатик алоқалар ҳам давом этмоқда. Покистон ички ишлар вазири Теҳронга ташриф буюриб, томонлар ўртасида хабарлар етказган. Эрон эса Вашингтонга санкцияларни бекор қилиш, урушдан етган зарарни қоплаш ва АҚШ қўшинларини минтақадан олиб чиқишни назарда тутувчи янги таклиф юборган.
10 минг қадам юрганларга пул тўлайдиган платформа ишга тушди
Каспий денгизи хавотирли тезликда қуриб бормоқда
Электр ва газ нархлари бўйича ҳукумат қарори қабул қилинди
