Эрон Ташқи ишлар вазирлиги минтақавий давлатларни огоҳлантирди

Агар минтақавий мамлакатлардаги АҚШ ҳарбий базалари Эронга қарши ҳужумлар учун ишлатилса, Ислом Республикаси учун қонуний нишонга айланади.

Бу ҳақда Эрон ташқи ишлар вазири Аббос Арағчи маълум қилди.

"Биз минтақавий мамлакатларни агар АҚШ базалари Эронга қарши тажовузда ишлатилса, улар бизнинг қонуний нишонларимизга айланиши ҳақида огоҳлантирдик", деди у.

Арағчи Эроннинг жавоби минтақавий мамлакатлар ҳудудларига эмас, балки АҚШ базаларига қаратилганлигини таъкидлади: "Шу нуқтаи назардан, биз Саудия Арабистони ташқи ишлар вазири билан доимий алоқада бўлиб келмоқдамиз.

Минтақадаги кўплаб давлатлар ўз ҳаво майдонлари ва ҳудудларидан Эронга қарши фойдаланишга қарши чиқишди, аммо афсуски, АҚШ бу имкониятлардан бизга қарши фойдаланди".