Эрон ҳаво қатновини қисман тиклади

Эрон ҳукумати 25 июндан бошлаб мамлакат шарқидаги аэропортлар фаолиятини қайта тиклади.

Бу ҳақда Йўллар ва шаҳарсозлик вазирлиги расмий вакили Мажид Ахвон маълум қилди.

"Эрон мамлакат шарқий қисми осмонини ички, халқаро ва транзит парвозлар учун очди", — дея унинг сўзларидан иқтибос келтиради давлат телерадиокомпанияси.

Сабзевар, Машҳад, Биржанд, Забол, Заҳедан, Саравон, Чабаҳор, Эроншаҳр, Сарахс, Гонобод, Жирофт ва Жаск аэропортлари фаолиятини тиклади.