Эрон Форс кўрфази давлатларига тажовуз қилмаслик тўғрисидаги пактни таклиф қилди

Эрон ташқи ишлар вазири Муҳаммад Жавад Зариф Теҳрон Форс кўрфази давлатларига тажовуз қилмаслик тўғрисидаги битимга имзо чекишни таклиф қилганини маълум қилди.

“Al-Arabiya”нинг хабар беришича, баёнот Ироқ ташқи ишлар вазири Муҳаммад Али ал-Ҳаким билан Бағдоддаги учрашув натижаларига асосан эълон қилинган. Дипломат шартноманинг бошқа тафсилотларини ошкор қилмади, аммо Қўшма Штатлар минтақадаги ҳарбий иштирокини кучайтиришга уринаётганлигини таъкидлади.