Эрон Экспертлар Кенгаши Хоменейни республиканинг Олий Раҳбари этиб сайлади

Эрон Ислом Республикаси Экспертлар Ассамблеяси Можтаба Хоменейни мамлакатнинг янги Олий Раҳбари этиб сайлади.

Бу ҳақда Mehr ахборот агентлиги хабар бермоқда.

Аввалроқ Экспертлар Ассамблеяси аъзоси Ҳусайн Али Эшкевари Хоменейнинг номи Эрон Олий Раҳбари сифатида қолишини маълум қилган эди. Эшкевари янги раҳбар аллақачон сайланганини ва унинг номи яқин орада расман эълон қилинишини қўшимча қилди.

28 февраль куни АҚШ ва Исроил Эронга қарши ҳарбий операция бошлади. Ислом инқилоби қўриқчилари корпуси (ИИҚК) Исроилдаги нишонларга ҳужум қилиб, кенг кўламли жавоб операцияси бошланганини эълон қилди. Баҳрайн, Иордания, Қатар, Қувайт, БАА ва Саудия Арабистонидаги АҚШ нишонларига ҳам зарба берилди. 1 март куни Эрон расмийлари Олий Раҳбар Али Хоменейнинг ўлимини расман тасдиқлади. Оятуллоҳ Али Хоменей 28 февраль куни АҚШ ва Исроилнинг қўшма ҳужуми натижасида ўз қароргоҳида ўлдирилган.