Эрон давлати ўз фаолиятини давом эттирадими?

Биз Эрон давлати ўз фаолиятини давом эттиришини талаб қиламиз, унда Сурия сценарийси такрорланишини истамаймиз — Германия канцлери.

Германия канцлери Фридрих Мерц Эронда Сурия инқирозига ўхшаш вазият такрорланишини истамаслигини билдирди. Унинг фикрича, АҚШ ва Исроилнинг Эрон билан можароси сабаб минтақадан янги қочқинлар тўлқини юзага келиши мумкин.

«Биз ҳозирча вазиятга якуний баҳо бера олмаймиз. Шунинг учун ҳам Эрон мустақиллигини сақлаб қолишга қатъий талаб қиляпмиз. Биз Эронда Сурия сценарийси такрорланишини истамаймиз. Аксинча, бу давлат мустақил равишда самарали фаолият юритишини хоҳлаймиз. Шу сабаб мен Вашингтонда ҳам, Исроил ҳукумати билан бўлаётган барча музокараларда ҳам бу мамлакатни барқарорлаштириш учун шароитларни имкон қадар тезроқ яратишга чақирмоқдаман. Эронда демократик йўл билан легитим ҳукумат шаклланиши ва давлат сифатида фаолиятини давом эттириши муҳим», — деди Мерц.