Туркия Президенти Ражаб Тойиб Эрдўған Франция Президенти Эммануэль Макрон билан телефон орқали суҳбат ўтказди.
Туркия Президенти Администрацияси ҳузуридаги Алоқалар бошқармаси хабарига кўра, Эрдўғон ва Макрон суҳбати давомида Туркия ва Франция ўртасидаги икки томонлама муносабатлар, минтақавий ва глобал масалалар муҳокама қилинган.
Хусусан, Президент Эрдўған Суриянинг ҳудудий яхлитлиги ва суверенитетини сақлаб қолиш муҳимлигини таъкидлаб, Франциянинг ушбу араб давлатидаги элчихонаси фаолиятини қайта тиклаш тўғрисидаги қароридан мамнуният билдирди.
Туркия Президенти, шунингдек, суриялик қочқинларни ватанларига қайтариш бўйича ишлар бошлангани ҳамда сурияликлар учун барқарор яшаш шароитларини яратиш ва мамлакатни тиклаш ҳамда қайта жонлантириш ишларини амалга ошириш мақсадида халқаро ҳамжамият билан ҳамкорлик қилиш зарурлиги ҳақида маълум қилди.
Келажакда Россия янги ҳудудларни босиб олади
Учинчи жаҳон уруши бўйича тахминлар билдирилди
Туркия Исроилга хабар юборди
