Энди гибрид автомобиллардан экологик сертификат сўралмайди

ўринбосари Обиджон Қудратовнинг маълум қилишича, экологик сертификат талаби фақат газ, бензин ва дизель ёқилғисида ишлайдиган транспорт воситаларига нисбатан қўлланилади. Электромобиллар эса мазкур талабдан озод этилган.

---

⚠️ Гибрид автомашиналар бўйича ҳуқуқий бўшлиқ

Қудратов таъкидлашича, гибрид автомобилларга оид аниқ ҳуқуқий норма мавжуд эмаслиги сабабли тушунмовчилик юзага келган. Бу орқали айрим ҳолатларда ноқонуний равишда сертификат талаб қилинган ва ортиқча тўловлар ундирилган.

> 💬 «Айни пайтда мазкур муаммони бартараф этиш мақсадида Ҳукумат қарорига тегишли ўзгартиш киритиш бўйича лойиҳа ишлаб чиқилган ва у имзоланиш арафасида турибди», — деди Қудратов.

Янги ҳужжатда гибрид автомашиналар учун экологик сертификат талаб этилмаслиги аниқ кўрсатилади.

---

⚖️ Сенат бу борада нима деди?

Олий Мажлис Сенати раиси Танзила Норбоева эса мазкур ҳолатга муносабат билдириб, қонунчиликдаги ноаниқликлар фуқаролар манфаатига талқин қилиниши лозим эканлигини эслатди.

Бироқ шу ерда яна бир муҳим масала очиқ қолмоқда:

> «Аввалдан ортиқча тўлов қилган фуқароларга пуллари қайтариладими?»

Бу борада ҳозирча расмий изоҳ берилмади.