Буюк Британия қироличаси Елизавета II ўзининг тахтдан воз кечишига олиб келадиган иккита сабабни айтиб ўтди, деб ёзади Daily Star.
Биограф Метью Деннисоннинг айтишича, қиролича қариндоши Маргарет Роудс билан қироллик ваколатларидан воз кечиш имкониятини муҳокама қилган. Унга кўра, Елизавета II қариндошига ёзган мактубида тахтни фақат инсульт ёки Альцгеймер касаллигига чалинган тақдирда тарк этишини ёзган.
Деннисон, шунингдек, малика ўз ваколатларини умр бўйи бажаришини ишонч билан айтди. Бошқа мутахассислар ҳам бу фикрга қўшилади. Уларнинг таъкидлашича, малика ҳеч қачон тахтдан воз кечмайди.
«Сизни ишонтириб айтаманки, малика тахтдан воз кечмайди. Қироличанинг соғлиғи жуда яхши эканига оид барча белгилар мавжуд ва агар насиб қилса, у иложи борича узоқ вақт бизнинг Қироличамиз бўлиб қолади», — дея таъкидлади қироллик тарихчиси Хьюго Викерс.
Елизавета II 1952 йил 6 февраль куни йигирма беш ёшида тахтга ўтирган. Ҳозирда у Британия тарихидаги энг узоқ ҳукмронлик қилган ва энг кекса монарх, шунингдек, дунё бўйича ҳам энг узоқ ҳукмронлик қилган энг кекса давлат бошлиғи ҳисобланади.
Шунингдек, Елизавета II ва шаҳзода Филиппнинг никоҳи 2021 йил 9 апрель куни шаҳзода вафот этгунга қадар давом этган дунё тарихидаги энг узун қироллик никоҳига айланди. Буюк Британия қироличаси эрининг вафотидан тўрт кун ўтгач қироллик бурчларини бажаришга қайтган.
Аriston компанияси миллийлаштирилгач, Россия элчиси Италия ТИВга чақиртирилди
Туркман помидорлари Тожикистон бозорида ўзбек помидорларини бозордан чиқариб юборди
Россия иқтисодиёти қулаши мумкин
