Эквадорнинг энг шафқатсиз жиноий гуруҳларидан бири, "Феде" лақабли Los Aguilas раҳбари мамлакатнинг энг хавфли жиноятчилари сақланадиган Гуаякиль шаҳридаги қамоқхонадан қочиб кетди.
Бу ҳақда Эквадор президенти Даниэль Нобоа унинг қочиб кетганини маълум қилган.
Жанубий Америка давлати раҳбари “Феде”нинг ғойиб бўлишини ташкил қилишда қамоқхона ходимларининг “шериклиги” борлигини таъкидлади ва гумон қилинаётган қамоқхона қўриқчилари устидан тергов ўтказилишини талаб қилди.
"Феденинг қочиб кетиши тасодиф эмас, бу шериклик эди. Шу боис, мен қочишга алоқадорликда гумон қилинган барча қамоқхона ходимларини прокуратура уларнинг жавобгарлигини аниқлагунича ҳибсга олишни талаб қилдим", деб ёзди Нобоа ижтимоий тармоқларида.
Маҳаллий ОАВ жиноятчи қамоқхонани аскар кийимида тарк этган бўлиши мумкинлигини хабар қилди. "Феде" қидируви натижалари ҳақида ҳозирча маълумот йўқ. Гуруҳ раҳбари шу йилнинг январь ойида Нобоа жиноий гуруҳлар ва картелларга қарши “уруш” эълон қилганидан кейин ҳибсга олинган эди.
Абдуқодир Ҳусанов «Барса»га ўтиши мумкин — Деку уни «келажак ҳимоячиси» деб билади
Исроил можаросига аралашган учинчи давлат Эрон томонидан зудлик билан жазоланади
"Шу дам олиш кунлари АҚШ Эронни кенг кўламли бомбардимон қилишни бошлайди" - манба
