Европа Иттифоқи Брюссел рус нашрларига фаолият юритишни тақиқлаганига жавобан Москва Россияда ўнлаб Европа оммавий ахборот воситаларига киришни чеклаб қўйганини қоралади. 25 июн, сешанба куни Европа комиссияси раиси ўринбосари, қадриятлар ва ошкоралик бўйича Европа комиссари Вера Юрова Россиянинг ушбу жавоб чоралари тушунарсиз эканини маълум қилди.
«Йўқ, Россия ҳарбий доктринаси доирасида дезинформацияни тарқатиш учун Россия томонидан молиялаштирилган тарғибот нашрлари мустақил ОАВ билан бир хил даражада турадиган нарса эмас», деб ёзади у X ижтимоий тармоғида.