ЕИ Путиннинг қасамёд маросимида қатнашган Стивен Сигалга нисбатан санкциялар жорий қилиши мумкин

Брюсселда жойлашган ASBL ташкилоти томонидан йўлга қўйилган Европа онлайн газетаси EUobserver, Европа Иттифоқи (EИ) томонидан ҳаракатлари Украинага зарарли деб ҳисобланган машҳур америкалик актёр Стивен Сигал санкциялар доирасига киритилиши мумкинлигини ёзди.
EUobserver портали Европа Иттифоқи вакилига асосланиб тарқатган хабарда Стивен Сигалга қарши санкциялар қўлланилиши ва вакилнинг сўзларига кўра, агар унинг ҳаракатларига ишониш учун «кучли қонуний асослар» мавжуд бўлса, Сигал қора рўйхатга киритилиши мумкинлиги айтилади.
Портал шунингдек, Европа Иттифоқи келажакда қўшиқчи Ярослав Дроновни (Шаман) қора рўйхатга олиши мумкинлиги, айни дамда Россияда истиқомат қилаётган дунёга машҳур америкалик актёр Стивен Сигал эса 2016 йилдан бери Россия фуқаролигига эга эканлигини таъкидлайди.
Сигал Россия Ташқи ишлар вазирлигининг Россия-Америка гуманитар алоқалари ва умумий маданий ва тарихий мерос учун масъул кўнгилли махсус вакили сифатида ҳам ишлаётган бўлсада, 7 май куни Россия президенти Владимир Путиннинг инаугурация маросимида иштирок этди.