Дунай шу даражада саёзлашиб қолдики, Будапештда икки нафар немис аскарининг суяк қолдиқлари ва вермахт мотоцикли топилди

Дарёнинг ​Буда томонида, парламент биноси қаршисида икки немис аскарининг қолдиқлари ва тахминларга кўра "DKW NZ 350-1" русумли вермахт мотоцикли аниқланди.

​Уларнинг ёнидан "Tellermine 35" русумли немис танкларга қарши миналари ҳам топилган.

Ҳалок бўлганларнинг ҳарбий жетонлари сақланиб қолгани сабабли шахсларини аниқлашнинг имкони бўлди. Қолдиқларни Будапешт яқинидаги Будаёрш немис ҳарбий қабристонига қайта дафн этиш режалаштирилмоқда.