Дубл қайд этган Шомуродов кечаги учрашувда энг яхши бўлмади

Туркия Суперлигаси 29-тур доирасидаги "Истанбул Башакшехир" — "Генчлербирлиги" (3:0) ўйини бўлиб ўтди.

Мезбонлар сафида ўзбекистонлик ҳужумчи Элдор Шомуродов ўйинни асосий таркибда бошлади ва 81-дақиқада захирага олинди. Шомуродов 9 ва 40-дақиқаларда гол урган ҳолда дубль қайд этди.

Sofascore нашри Шомуродовнинг ҳаракатларига 8,7 баҳо қўйди. Бироқ ушбу учрашувда учта гол ўтказиб юборган меҳмонлар дарвозабони 8,9 баҳо билан учрашувнинг энг яхши футболчиси бўлди.