Деҳқонобод ҳокими Зоир Алиқулов селдан зарарланиши оқибатида фойдаланиш учун хавфли кўриниш касб этаётган кўприк ҳолатини кўздан кечирди. Бу ҳақда туман ҳокимлиги ахборот хизматига таяниб, "nnews.uz" хабар бермоқда.
Туман ҳокими Бозортепа қишлоғини Зоққоя ҳамда Қўшқудуқ қишлоқлари билан боғловчи кўприкни бориб кўрган.
“Мазкур кўприк таъмири учун маблағ ажратиш масаласини кўриб чиқиб, аҳолидан бу ҳақда шикоят бўлмасидан олдин муаммони бартараф этишимиз лозим”, — деди туман ҳокими Зоир Алиқулов.
Маълум бўлишича, 1990 йилларда қурилган мазкур кўприкнинг Зоққоя қишлоғидан Бозортепа қишлоғига кириш қисмида емирилиш пайдо бўлган. Кўприк устунининг бир қисми сел оқибатида зарарланган.
Эслатиб ўтамиз, Зоир Алиқулов Деҳқонободда ҳоким сифатида иш бошлаганидан буён туманда 30 га яқин кўприк қурилди ва таъмирланди.
Тожикистонда баҳорги муддатли ҳарбий хизматга чақирув режаси 70 фоизга бажарилди
Америкалик таниқли боксчи Баҳодир Жалолов ҳақида фикр бирдирди
ЖССТ: Исроилнинг Рафаҳга ҳужуми гуманитар фалокатни янада кучайтиради
