АҚШ Давлат департаменти Ливандаги америкаликларни Исроил ва Ливандаги Ҳизбуллоҳ ҳаракати ўртасидаги можаро ривожланиши сабабли имкон қадар тезроқ мамлакатни тарк этишга чақирди . Бу ҳақда расмий баёнотда айтилади .
«Ҳизбуллоҳ ва Исроил ўртасидаги давом этаётган можаронинг олдиндан айтиб бўлмайдиган табиати ва яқинда бутун Ливан, жумладан , Байрутдаги портлашлар туфайли АҚШ элчихонаси АҚШ фуқароларини Ливанни тарк этишга чақирмоқда », — дейилади баёнотда.
Давлат департаментининг қўшимча қилишича, вазият ёмонлашгани сабабли Ливандан учадиган рейслар сони сезиларли даражада камайди. Тез орада АҚШ фуқаролари мамлакатдан умуман уча олмаслиги эҳтимоли бор.