Давлат нефть компанияси Суриянинг шимоли-шарқида террористик ташкилот YPG/SDFдан яқинда озод этилган конларда нефть қазиб олиш қайта бошланганини маълум қилди.
Компаниянинг коммуникациялар бўйича директори Сафван Шайх Аҳмаднинг айтишича, бу ишлардан асосий мақсад — конларнинг аввалги ишлаб чиқариш қувватини тиклаш. Унинг прогнозларига кўра, тўрт ой ичида нефть қазиб олиш ҳажми суткасига тахминан 100 минг баррелга етиши мумкин.
❕ Нефть қазиб олишни қайта бошлаш 18 январ куни Сурия президенти Аҳмад аш-Шараа ва SDF/YPG ўртасида имзоланган келишувдан сўнг амалга оширилди. Ушбу келишув ҳарбий амалиётлардан кейин тузилган.
2011 йилгача Сурияда нефть қазиб олиш ҳажми суткасига 400 минг баррелга етган. Кейинчалик уруш, санкциялар ва инфратузилманинг вайрон бўлиши сабабли ишлаб чиқариш кескин камайиб, сўнгги йилларда 25–50 минг баррел атрофида бўлиб келган.
Ҳозирда ҳукумат қайтариб олинган конларни тиклаш, нефть қазиб олишни қайта йўлга қўйиш ҳамда ички энергия таъминотини барқарорлаштиришга асосий эътиборни қаратмоқда.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Россия Ўзбекистон фуқароларини мамлакатдан мажбуран чиқариб юборди (видео)
Россиялик боксчи ва депутат Николай Валуев ҳам Марказий Осиёга таҳдид қилди
