Даҳшат!!! "Ал-Ҳилол" Мбаппега 1 мавсум учун 700 миллион евро ва келаси йил "Реал"га текинга кетиши мумкин бўлган шартнома таклиф қилишга тайёр

"Ал-Ҳилол" клуби бир мавсумдан сўнг Килиан Мбаппени "Реал"га қўйиб юборишга тайёр.

Аввалроқ Саудия клуби Мбаппе учун "ПСЖ"га рекорд даражадаги 300 миллион евро таклиф қилгани хабар қилинганди.

CBC журналисти Жеймс Бенжнинг сўзларига кўра, "Ал-Ҳилол" Мбаппега мавсум учун 700 миллион евро таклиф қилишга тайёр.

Қолаверса, агар ҳужумчи 2024 йилнинг ёзида "Реал"га ўтишни истаса, уни текинга қўйиб юборишга тайёр.

Шу билан бирга, агар Мбаппе Саудия Арабистонида узоқроқ шартнома имзолашни истаса ҳам, “Ал-Ҳилол” бунга тайёр.

Эслатиб ўтамиз, "ПСЖ" Мбаппени шартномани узайтиришдан бош тортгани ва 2024 йилда эркин агент сифатида клубни тарк этиш нияти туфайли Япония бўйлаб турнега олиб бормаганди. Парижликлар ёзда Мбаппени сотиш бўйича таклифларни тинглашга тайёр.