Даҳшат! 17 ёшли ўсмир 6 ёшли қизни зўрлади

Қирғизистоннинг Чу вилоятида ўсмир бола 6 ёшли қизни зўрлаган. Бу ҳақда Қирғизистон Республикаси Ички ишлар вазирлиги Матбуот хизмати хабар бермоқда.
 
Маълумотга кўра, 20 июнь куни кечки соат 20:55 ларда ҳудудий шифохона 2011 йилда туғилган қизалоқ зўрланганлик аломатлари билан шикоят қилиб келгани ҳақида ошкор қилган.
 
Аламадин райони ИИБ ходимлари вазиятни ўрганиб, 20 июнь соат 18:00 да Қизил Берлик қишлоғида 2001 йил туғилган бола қизнинг номусини топтаб, жинсий алоқада бўлганини аниқлаган. Шундан сўнг, ушбу факт ИИБ рўйхатига олиниб, керакли тиббий суд-экспертизаларини ўтказиш тайинланган.
 
“Жабрланувчининг ота-онаси шикоят аризасини ёзган, бироқ гумонланувчи вояга етмаганлиги ва тиббий экспертиза натижалари ҳозирча чиқмагани учун уни ҳибсга олишнинг имкони йўқ”, дейди Чу вилояти ИИББ.

Manba: qalampir.uz