CNN журналистлари Трамп билан самолётда учишдан четлатилди

Оқ уй CNN телеканали журналистларининг АҚШ президенти Дональд Трамп билан Air Force One самолётида сафар қилишини тақиқлади. Бу ҳақда AlJazeera хабар берди.

CNN 25 сентябрь куни Трамп билан бирга 26 сентябрда Теннесси штатига бориши режалаштирилганини маълум қилган эди. Бироқ Оқ уйнинг журналистлар учун тарқатган дастурида CNN номи келтирилмади ва телеканалнинг президент самолётидаги сафари бекор қилингани маълум бўлди.

Бу воқеа Трамп маъмурияти ва президентни танқид қилувчи оммавий ахборот воситалари ўртасидаги зиддият кучайган бир пайтда юз берди.

Аввалроқ CNN, MS Now ва "Politico" журналистларининг Оқ уйга кириши чекланган, шунингдек, улар айрим тадбирларни ёритишдан четлатилган эди. Трамп ушбу ОАВларни президент ҳақида "ёлғон" ва "тўқима" хабарлар тарқатишда айблаган.