Наманган вилояти Поп туманидаги Чодаксой сойида чўкиб кетган 24 ёшли йигит жасади бир ҳафтадан ортиқ вақт давом этган қидирув ишларидан кейин топилди. Бу ҳақда вилоят Фавқулодда вазиятлар бошқармаси матбуот хизмати хабар берди.
ФВБ томонидан 31 май куни эълон қилинган хабарда айтилишича, 2002 йилда Фарғона вилоятида туғилган фуқаро 28 май куни туманнинг «Шайхон» МФЙ ҳудудидаги дам олиш маскани яқинидан оқиб ўтувчи Чодаксой сойининг чўмилиш тақиқланган ҳудудига тушган ва сувга чўкиб, оқиб кетган.
Шундан сўнг вилоят ФВБ бошлиғининг биринчи ўринбосари, полковник Акмалжон Ўринбоев бошчилигида қидирув-қутқарув ишлари бошланган.
Жараёнда туман ФВБ ёнғин-қутқарувчилари томонидан сув устида, бошқарма қутқарув отряди қутқарувчилари томонидан эса сув остида қидирув ишлари узлуксиз олиб борилган.
1 июн куни Бош прокуратура матбуот хизмати ҳолат юзасидан Поп тумани прокуратураси томонидан терговга қадар текширув ҳаракатлари олиб борилаётганини маълум қилганди.
4 июн кунига келиб йигитнинг жасади сойдан топилган ва тегишли тартибда мутасадди ташкилотларга топширилган.
ФВБ фуқароларни чўмилиш тақиқланган ҳамда хавфли деб белгиланган ҳудудларда сувга тушмаслик ҳақида огоҳлантирди.
«Сув ҳавзалари ва сой-каналларда хавфсизлик қоидаларига қатъий риоя қилиш инсон ҳаёти ва саломатлигини сақлашнинг энг муҳим омилларидан биридир. Ўзингиз ва яқинларингиз ҳаётини асранг, сувда хавфсизлик қоидаларига амал қилинг», – дейилади хабарда.
Ўзбекистонда янги кўл пайдо бўлди
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
Россия Молия вазирлиги ва Марказий банк Путинни огоҳлантирди
