2019 йил 7 январь куни Қашқадарё вилоятининг Чироқчи туманида яшаган Н.Қ.нинг жасади топилган. Олиб борилган суриштирув ишлари натижасида 7 январь куни Хардури МФЙ Янгиҳаёт қишлоғида яшовчи А.Х. маст ҳолда ўзаро жанжал сабаб Н.Қ.нинг танасини турли жойларига уриб-тепиб, жароҳат етказганлиги аниқланган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабар беришича, ҳолат юзасидан жиноят иши қўзғатилиб, А.Х. қўлга олинган. Тергов ҳаракатлари олиб борилмоқда.