Бухорода қўй ўғриларига суд ҳукми ўқилди

Судланувчи Ҳ.У.Р.ўзганинг мол-мулкини яширин равишда талон-торож қилиш мақсадида, Ж.М.У билан олдиндан ўзаро жиноий тил бириктириб, бир гуруҳ бўлиб, 2019 йил 20 декабрь куни тахминан соат 20:00ларда .....тумани “Амиробод” маҳалла фуқаролар йиғини, .... қишлоғида жойлашган Ш.Ш.нинг яшаш уйига девордан ошиб ўтиб, ғайриқонуний равишда кириб, ҳовлидаги қўйхонада турган Ш.Ш.га тегишли ҳар бирининг баҳоси 1.500.000 сўмдан 6 (олти) бош ҳисори зотли қўйларни яширин равишда талон-торож қилиб, жабрланувчига жами 9.000.000 сўм моддий зарар етказиб, ўғрилик жиноятини содир қилишган.

Судланувчи Ҳ.У.Р.суд мажлисида, айбига тўлиқ иқрорлик билдириб, дастлабки терговдаги кўрсатувларини тўлиқ тасдиқлашини, у устачилик қилиб, тирикчилик қилиб келишини, 2019 йил 19 декабрь куни эрталаб соат 17:30 ларда ўзи яшаб келаётган ...... қишлоғида таниши М.Ж.ни кўриб қолиб, иккаласи суҳбатлашганлигини, шунда у М.Ж.га Ш.Ш.уйида 6 бош қўй борлигини, қўйлар Ш.З.эканлигини, ушбу қўйларни ўғрилаб сотишни, қўйларнинг пулидан М.Ж.га ҳам беришини айтганлигини, М.Ж бунга рози бўлиб, фақат кўча ташқарисига қараб туришни, ўзи қўйларни ўғрилаб олиб чиқишни билдирганлигини, 2019 йил 20 декабрь куни соат 08:30 ўзининг 00-000-00-00 рақамли телефонидан таниши М.Ж.нинг 00-000-00-00 рақамли телефонига қўнғироқ қилиб, Ш.Ш.нинг уйида бирор киши бор-йўқлигини аниқлаб беришни сўраганлигини, шунда М.Ж унга Ш.Ш.га уйига келмаслигини, ....... шаҳрида яшаётганлигини, Ш.З ҳар куни эрталаб соат 08ларда, сўнг соат 16 ва 17 ларда ҳовлига келиб, қўйларга қараб кетишини маълум қилгач, у ўша куннинг ўзида, яъни 2019 йил 20 декабрь куни соат 16:30ларда М.Ж.нинг уйига бориб, қўйларни ўғрилашга келишиб олишганлигини, шу куни соат 20ларда М.Ж.нинг уйига келганлигини, М.Ж кўча бошига бориб, ён атрофга қараб турганлигини, агар бирор киши кўринса, М.Ж унга хабар бериши керак бўлганлигини, атрофда бирор киши бўлмаганлигини, кейин у Ш.Ш.нинг ҳовлисига бориб, девордан ошиб, ичкарига кириб, қўйхона томон борганлигини, қўйхонада 5 бош ҳисори қўй ва 1 бош дурагай қўчқор, жами 6 бош қўйлар бўлганлигини, у қўйларни ип билан боғлаб, кичкина эшик орқали ҳовлидан олиб чиққанлигини, кейин қўйларни уйига олиб борганлигини, буни таниши М.Ж.дан бошқа бирор киши кўрмаганлиги ва билмаганлигини, сўнг таниши М.Ж ҳам унинг уйига келганлигини, шунда у М.Ж.га қўйларни сотиб, пулларини ўзаро бўлиб олишни айтганлигини, кейин таниши А.Ж.га телефон орқали қўйларни сотиб беришни сўраганлигини, шунда А.Ж унинг ўғрилик қилганлигини билганлигини, А.Ж унинг таклифига рози бўлиб, бунинг эвазига 1.000.000 сўм сўраганлигини, аммо у бунга рози бўлмаганлигини ва улар бирор ошхонада ўтириб, овқатланганда пулини тўлашга келишиб олишганлигини, қишлоқдоши Ж.И.нинг 00 О 000 ОО давлат рақамли “Форд” русумли автомашина борлигини, шу сабабли у соат 21:00ларда Ж.И.га қўнғироқ қилиб, қўйларни сотаётганлигини маълум қилиб, керакли манзилга олиб боришни сўраганлигини, Ж.И рози бўлиб, автомашинаси билан унинг уйига келганлигини, шунда у Ж.И.га Ш.З.га тегишли қўйларни ўғрилаганлигини, қўйларни сотиб, ўша пулдан Ж.И.га йўл кира пулини беришни билдирганлигини, Ж.И рози бўлгач, иккаласи ўша 6 бош қўйларни Ж.И.нинг автомашинасига юклаб,  А.Ж.нинг уйига боришганлигини, А.Ж бир таниши кейинчалик билишича, У.Ш.га қўнғироқ қилиб, сотиладиган 6 бош қўй борлигини, қўйлар жиянига тегишли эканлигини айтганлигини, сўнг у Ж.И билан автомашинасида қўйларни У.Ш.нинг қушхонасига олиб боришганлигини, йўлда у Ж.И.га қўйларни сотиб, 500.000 сўм беришни айтганлигини, Ж.И бунга рози бўлганлигини, қушхонада У.Ш улар олиб борган 6 бош қўйларни кўриб, кимники эканлиги ва ўғриланган ёки йўқлигини сўраганлигини, шунда у қўйлар ўзига тегишли эканлигини, ўғриланмаган деб айтганлигини, кейин У.Ш 6 бош қўйларни ўлчаб, жами оғирлиги тенг ярмисини гўшт баҳосига, ҳар бир кг. учун 40.000 сўмдан, жами 4.800.000 сўм ҳисоблаганлигини, у У.Ш.дан 4.800.000 сўм олиб, ....... туманига қайтишганлигини, йўлда қайтишда у Ж.И.га 500.000 сўм берганлигини, 2019 йил 21 декабрь куни соат 12ларда ....... туман “.....” МФЙда жойлашган “Сайқал” ошхонасида у А.Ж билан овқатланганлигини ва шунда келишилганидек у пулини тўлаганлигини, тушлик 180.000 сўм бўлганлигини, 2019 йил 22 декабрь куни соат 09ларда у шериги М.Ж.га ёрдам бергани учун 500.000 сўм берганлигини, у таниши М.Ж.нинг 300.000 сўм қарзидан воз кечганлигини ва ёрдам бергани жами 800.000 сўм бўлганлигини айтганлигини, М.Ж рози бўлганлигини, сўнг уларнинг ўғрилик жинояти фош бўлганлигини, у билан М.Ж жабрланувчи Ш.З.га етказилган зарарни тўлиқ қоплаб беришганлигини, у А.Ж,  М.Ж ва Ж.И.ни олдиндан танишини, У.Ш.ни илгари кўрмаганлиги ва танимаслигини, улар билан ўрталарида келишмовчилик бўлмаганлигини, улар қўйларни ташиган “Форд” русумли автомашинани Ж.И бошқарганлигини, аммо у автомашина кимнинг номида эканлигини билмаслигини, у билан М.Ж ҳовлидан 6 бош қўйдан бошқа бирор нарса олишмаганлигини, у илгари судланмаганлигини, у моддий жиҳатдан қийналиб қолганлиги учун ўғрилик қилганлигини, оилавий шароити оғирлигини, 2 нафар вояга етмаган фарзандлари борлигини, қилмишидан пушаймон эканлигини, жабрланувчига етказилган зарар тўлиқ қопланганлигини инобатга олиб, қонуний енгиллик беришни сўраб кўрсатув берди.

Судланувчи Ж.М.Усуд мажлисида, айбига тўлиқ иқрорлик билдириб, дастлабки терговдаги кўрсатувларини тўлиқ тасдиқлашини, Ш.Ш қўшниси бўлишини, Ш.Ш бир йил олдин ....... вилояти ...... шаҳрига кўчиб кетганлигини, қўшниси Ш.Ш.нинг ҳовлисида укаси Ш.З 6 бош ҳисори зотли қўйларни боққанлигини, 2019 йил 19 декабрь куни соат 17ларда уйи олдида кўчада таниши Ҳ.У.ни учратиб, суҳбат қилишганлигини, шунда Ҳ.У унга қўшниси Ш.Ш.уйидаги қўйларни ўғрилашни айтганлигини, ўша пайтларда у моддий жиҳатдан қийналиб, пулга муҳтож бўлиб юрганлигини, шу сабабли Ҳ.У.нинг таклифига рози бўлганлигини, у кўчада бирор киши келмаслиги учун қараб туришига, таниши Ҳ.У эса уйга кириб, қўйхонадан қўйларни ўғрилаб чиқишига келишиб олишганлигини, Ҳ.У унга қўйларни сотиб, пул беришини маълум қилганлигини, эртаси куни, яъни 2019 йил 20 декабрь куни соат 8 ларда унинг +00-000-00-00 рақамли телефонига таниши Ҳ.У қўнғироқ қилиб, қўшниси Ш.Ш.нинг уйида бирор киши бор-йўқлигини билиб беришни сўраганлигини, у Ҳ.У қўшниси Ш.Ш ......... шаҳрида яшаши ва уйига келмаслигини, Ш.Ш.нинг укаси Ш.З уйга ҳар куни эрталаб соат 08 ларда, сўнг 16 ва 17:00ларда келиб, қўйларга қараб, ўт ва сув бериб кетишини билдирганлигини, шунда Ҳ.У ўша куни кечки пайт Ш.З.нинг қўйларини ўғрилашни айтганлигини, у рози бўлганлигини,  2019 йил 20 декабрь куни соат 16ларда таниши Ҳ.У унинг уйига келганлиги ва улар Ш.З.нинг қўйларини ўғрилашга келишганликларини, у ташқарида қараб туришини, Ҳ.У эса ҳовлига кириб, қўйларни ўғрилаб кетиши лозим бўлганлигини, шу куни соат 20 ларда таниши Ҳ.У уйига келганлигини, у ташқарига чиқиб, кўча бошида ён атрофга қараб турганлигини, таниши Ҳ.У қўшниси Ш.Ш.нинг ҳовлисига девордан ошиб ўтиб кирганлигини, буни ундан бошқа бирор киши кўрмаганлигини, атрофда ҳеч ким бўлмаганлигини, агар ўғриликни бирор киши келиб қолса, у Ҳ.У.га қўнғироқ қилиб, хабар бериши керак бўлганлигини, орадан бир соатлар ўтиб, Ҳ.У унга қўнғироқ қилиб, қўйларни олиб кетганлигини, қўйлар уйида эканлигини билдирганлигини, сўнг у Ҳ.У.нинг уйига борганлигини, шунда Ҳ.У унга ўғрилаб олган 6 бош қўйларни ўзи сотишини, қўйларни қишлоқдоши Ж.И.нинг “Форд” русумли автомашинасида олиб кетишини маълум қилганлигини, кейин у уйига кетганлигини, эртаси куни, яъни 2019 йил 21 декабрь куни соат 09:00 ларда ўзи яшаб келаётган қишлоқда Ҳ.У билан кўришганлигини, шунда Ҳ.У унга қўйларни сотганлигини, Ж.И.га йўл кира сифатида 500.000 сўм берганлигини билдирганлигини, лекин Х.У. қўйларни кимга ва неча пулдан сотганлигини маълум қилмаганлигини, 2019 йил 22 декабрь куни соат 10 ларда кўчада таниши Ҳ.У билан учрашганлигини, шунда Ҳ.У.дан қўйларни ўғрилашда ёрдам берганлиги учун 500.000 сўм олганлигини ва унинг 300.000 сўм қарзидан Ҳ.У. воз кечганлигини, у рози бўлиб, уйига кетганлигини, ИИБ ходимлари улар содир этган фош қилишганлигини, у таниши Ҳ.У.дан олган 500.000 сўм пулни ИИБ ходимларга тақдим қилганлигини, кейинчалик у қўйларни Ж.И ташишда, А.Ж. сотишда ёрдам берганлигини билганлигини, ўғрилик қилиш фикри Ҳ.У.дан чиққанлигини, қилмишидан пушаймон эканлигини, жабрланувчи Ш.З.га етказилган зарар тўлиқ қопланганлигини, оилавий шароити оғирлигини инобатга олиб, қонуний енгиллик беришни билдириб кўрсатув берди.

Жабрланувчи Ш.Ш суд мажлисида унга етказилган зарарни Ҳ.У ва М.Ж. қоплашганлигини, жиноят оқибатида жами 9.000.000 сўмлик моддий зарар тўлиқ қопланганлигини, судланувчи Ҳ.У ва М.Ж.га бирор даъвоси йўқлигини, уларга нисбатан озодликдан маҳрум қилиш билан боғлиқ бўлмаган қонуний енгиллик беришни билдириб кўрсатув берди.

Суд, судланувчилар Ҳ.У. ҳамда М.Ж. ларнинг айбига тўлиқ иқрорлик билдириб, қилмишидан пушаймонлигини, жабрланувчининг даъвоси йўқлигини, муқаддам судланмаганлигини, оилавий шароитини ҳамда жазони енгиллаштирувчи ва оғирлаштирувчи бошқа ҳолатларни инобатга олиб, судланувчилар Ҳ.У. ҳамда М.Ж.ларга нисбатан Ўзбекистон Республикаси Жиноят кодекси 169-моддаси 2-қисмининг “в,г”бандида назарда тутилган жиноятни содир қилганликда айбли деб топиб, қилмишига яраша ва шахсига мос жазо тайинлади.

Н.Шаропов,

Жиноят ишлари бўйича Бухоро шаҳар суди  раиси