Бухоролик фермер ва унинг ишчиси Навоий шаҳрида Муҳайё (исми ўзгартирилди) билан танишишади . Кейин эса қайта танишишади ва яна...
Гарчи танишлари безор бўлса ҳам аёл уларнинг фермер хўжалигига ойма-ой бориб турар, еб-ичиши ҳамда кийинишига пул бериб турмаса, танишув лар акс этган видеотасвирларни интернетга жойлаштириб, оиласи ва маҳалласи олдида шармандасини чиқаришини айтиб қўрқитарди.
Шу йўл билан Муҳайё ижарада турган уйини таъмирлатиб, фермерлардан телевизор ундирди. Табиийки, ойма-ой тўлаб борилган ижара пуллари бунинг ичига кирмайди.
Навбатдаги сафарлардан бирида Муҳайё Саттор исмли қариндоши билан келади. Келишдан кўзланган мақсад унинг кўнгли автомашиналик бўлишни тусаётгани экан. Саттор топган Matiz нинг пулини тўлаб беришса, тинч қўйишини айтади.
27 миллион сўмлик дастлабки тўловни амалга оширган фермерлар қолган 20 миллион сўмни бир ой ичида тўлаш шартига рози бўлади.
Бухоро туманилик фермерларнинг вилоят ИИБ бошлиғига қилган мурожаати асосида Коррупция ва иқтисодий жиноятчиликка қарши курашиш бўлими ходимлари томонидан тезкор тадбирлар ўтказилди, дейди вилоят ИИБ матбуот хизмати раҳбари Ўктам Усмонов. Тадбирда юқорида исмлари ўзгартирилган ҳолда келтирилган фуқаролар Matiz учун 47 миллион сўмлик тўловнинг қолган 20 миллион сўмини олаётган пайтларида ашёвий далиллар билан қўлга олинди.
Халқ сўзи нашри хабарига кўра, айни кунларда мазкур ҳолат юзасидан тўпланган ҳужжатлар юзасидан терговолди ҳаракатлари олиб борилмоқда.
Тошкентда қўлга олинган депутат 14 ёшли ўғил болани зўрлаганликда айбланмоқда
1 майдан электр ва газ учун тарифларни ошириш ҳамда ижтимоий нормани жорий этиш режа қилинмоқда
Тошкентда яна бир “участкавой” пичоқланди
