Бугун Қозоғистонда коронавирус эпидемияси қурбонларини хотирлайдиган Умуммиллий мотам куни.
Нур-Султон вақти билан соат 12:00да республика бўйича бир дақиқалик сукут сақланади.
Шу муносабат билан бутун мамлакат бўйлаб ва дипломатик ваколатхоналар биноларида байроқлар тушириб қўйилади.
Айни дамдан бошлаб давлат ташкилотлари сайтлари оқ-қора тус олган.
Қозоғистон Республикасининг Биринчи Президенти - Елбаси коронавирус эпидемияси қурбонлари оилалари ва яқинларига таъзия билдирди.