Бугун Мунаввара Абдуллаева таваллуд топган кун

Ўзбекистонда хизмат кўрсатган ёшлар мураббийси, профессор, Мунаввара Абдуллаева 1950 йил 5 апрель куни Фарғона вилояти Марғилон шаҳрида таваллуд топган.

1975 йилда Н.Островский номидаги Тошкент театр ва рассомчилик институтини тамомлаган. 1978 йилда Луначарский номидаги Москва давлат театр санъати институтини аспирантурасини тамомлаган. Шу йили М.Уйғур номидаги Тошкент давлат санъат институти доценти унвонини олган.

Устоз санъаткор ижоди давомида “Кичкина табиб”, “Осмондаги болалар 2”, “Аросат”, “Муҳаббатим-қисматим”, “Ўйин”, “Иссиқ нон”, “Бахт уйи”, “Осмон яқин”, “Қовун”, "Қодирхон", "Сенсиз" каби фильмларда ўзига хос ролларни ижро этган. Актёрлик маҳоратидан дарс бериб, кўплаб шогирдларни етиштирган.