Бугун АҚШда Мадуронинг суди бўлиб ўтади

Венесуэла президенти Николас Мадуро бугун, 5 январь куни маҳаллий вақт билан тушда Нью-Йорк жанубий округи федерал судига чиқади.

The New York Times газетасининг ёзишича, Венесуэла етакчисининг рафиқаси Силиа Флорес де Мадуро бир вақтнинг ўзида Манхеттен судида иштирок этиши керак. Суд мажлисида уларнинг иккаласига айбловлар ўқилиши кутилмоқда. Газетанинг ёзишича, судья Алвин Хеллерштейн ишда раислик қилади.

Суд ҳужжатларига кўра, Николас Мадуро наркотик терроризмни содир этиш, кокаин импорт қилиш учун тил бириктириш, қурол-яроғ ва портловчи қурилмаларга эгалик қилиш, шунингдек, АҚШга қарши қурол ва портловчи қурилмаларни сақлаш учун тил бириктиришда айбланмоқда.