«Бу шунчаки даҳшат!» — Терактдан омон қолган аёл нима бўлганини сўзлаб берди

Россиянинг Москва вилоятидаги «Crocus City Hall»да концерт залида содир этилган терактни ўз кўзи билан кўрган гувоҳ воқеа қандай бўлгани ҳақида гапириб берди.

«Аввалига одамлар тез югура бошлашди, қандайдир ғалати шовқинлар эшитилди. Кейин мен одамларга қуролдан ўқ узаётган эркакларни кўрдим...

Улар [одамлар] тезроқ чиқиш эшигига интилишди, у ердаги қўриқчилар уларни сумкаларини ва чипталарни текширишди.

Шу пайт мен эскалаторда кетаётган эдим. Жонимни сақлаш учун ҳожатхонага югурдим, у ерда тумонат одам бор эди», - деди аёл.

Унинг қўшимча қилишича, бошланган ёнғин туфайли бино ичида ҳаракатланиш қийин бўлган.