Бугун 19 ноябрь, 2026 йил, пайшанба

O'ZB

БМТ Украина можаросини ҳал қилишнинг ягона йўлини айтди

A A A
БМТ Украина можаросини ҳал қилишнинг ягона йўлини айтди

БМТ Бош котибининг сиёсий масалалар бўйича ўринбосари Розмари ДиКарлонинг айтишича, Украина бўйича келишмовчиликларни ҳал қилишнинг ягона йўли музокаралардир. Бу ҳақда РИA Новости хабар бермоқда.

“Биз сўнгги воқеаларнинг мавжуд музокаралар тизимига таъсиридан жуда хавотирдамиз. Мавжуд хавф-хатарлар ва ноаниқлик шароитида мулоқот қилиш янада муҳимроқдир ”, деди у БМТ Хавфсизлик Кенгаши йиғилишида Россиянинг ДХР ва ЛХР мустақиллигини тан олиш қарорини шарҳлар экан.

ДиКарлонинг қўшимча қилишича, можаро Хавфсизлик кенгашининг 2202-резолюциясига мувофиқ ҳал қилиниши керак.

У, шунингдек, Россиянинг қарори минтақавий ва глобал оқибатларга олиб келиши мумкинлигини айтди.

Мустақилликни тан олиш ҳақидаги фармонни Россия президенти Владимир Путин 21 феврал, душанба куни имзолади.

Киритилди: 10:26 22.02.2022. Ўқилди: 12684 марта. Фикрлар сони: 30 та.
telegram channel

Энг кўп ўқилган янгиликлар