Туркия президенти Режеп Тоййип Эрдоған Ўзбекистондан қайтгач, яна Исроил-Фаластин уруши тўғрисида интервью берди.
Бу сафар Туркия раҳбари Ғазо сектори атрофидаги вазиятга Ғарб давлатларининг ёндашувига эътибор қаратди.
“Бизга бўш гуманитар шоулар эмас, аниқ қадамлар керак.
Исроил томони билиб қўйсин! ҲАМАС тинч аҳолини гаровда ушлаб туришдан манфаатдор эмас”, — деди у.
Шунингдек, Эрдоған халқаро ҳамжамиятни БМТнинг 27 октябрдаги ўт очишни тўхтатиш ҳақидаги қарорини амалга ошириш учун Исроилга босим ўтказишга чақирди.
