АҚШ президенти Жо Байденнинг Европа масалалари бўйича бош маслаҳатчиси Аманда Слоут истеъфога чиқишга қарор қилди.
Бу ҳақда Politico газетаси амалдорнинг ўзига таяниб хабар бермоқда.
Слоут президентлиги бошланганидан бери Жо Байденнинг жамоасида ишлаган ва АҚШнинг Европадаги иттифоқчилари билан алоқаларни тиклаш ва Россияга қарши “ягона фронт” қуриш учун масъул бўлган.
"Бу ажойиб уч йил бўлди, лекин вақт келди. Мен чарчадим", деди Слоут.
Слоут Байденга Европага саккизта сафарда, жумладан, НАТОнинг бешта саммитида ва Европа Иттифоқининг иккита саммитида ҳамроҳлик қилган.
