«Бавария» юлдузини Саудияга олиб келишмоқчи

«Ал-Ҳилол» Луис Диас трансфери устида ишламоқда.

Саудия клуби «Бавария» вингери учун камида 70 миллион евролик биринчи таклифни тайёрламоқда, деб хабар беради L’Equipe.

Хабар қилинишича, футболчининг ўзи Яқин Шарқ лигасига кўчиб ўтишга қизиқиш билдирган, аммо мюнхенликлар уни қўйиб юбориш ниятида эмас.

Бундеслиганинг ўтган мавсумида колумбиялик футболчи 32 та ўйинда майдонга тушиб, 15 та гол урган ва 14 та голли узатмага муаллифлик қилган.