"Барселона" Ямал учун бир футболчисини қурбон қилиши мумкин

"Барселона"нинг молиявий ишлари кўнгилдагидек эмас. Аввал хабар қилинганидек, аудитор Каталония клубининг молиявий ҳисоботига 100 миллион евролик VIP-жойларни сотиш бўйича битим киритилишини маъқулламаган.

Relevo хабарига кўра, энди "Барселона" ёзда вингер Ламин Ямал ва дарвозабон Войцех Шесни каби футболчилар билан шартномани узайтириш учун кимнидир сотиши керак.

Вазият қурбони ҳимоячи Роналд Араухо бўлиши мумкин. Манбанинг таъкидлашича, "Барселона" уругвайлик футболчини ёзги трансфер ойнасида сотиб юбориши мумкин. Араухонинг январь ойида имзоланган амалдаги шартномасида уни 65 миллион еврога сотиб олиш банди кўрсатилган.