"Барселона" 23 ёшли футболчисини текинга қўйиб юборди

Сержиньо Дест энди «Барселона»га тегишли эмас.

ПСВ 2023/24 йилги мавсумда ижара асосида ўйнаган ҳимоячи билан шартнома имзолаганини эълон қилди. Шартнома 4 йилга амал қилади.

"Блауграна" Дестнинг навбатдаги трансферидан тушган пулнинг бир қисмини олишлари мумкин бўлади.

"ESPN" хабарига кўра, Нидерландия клуби футболчини текинга ўз сафига қўшиб олган.

ПСВ Дестни 11 миллион евро эвазига сотиб олиш имкониятига эга эди, бироқ апрель ойида АҚШ терма жамоаси футболчисининг хоч боғлами жароҳати туфайли клуб уни фаоллаштиришни истамади.