Автомобилда шошилинч туғуруқни амалга оширган поликлиника шифокори эътироф этилди

Туғуруқ жараёни кутилмаганда бошланган ҳомиладор аёлга автомашинада доялик қилган поликлиника мудираси Ҳилола Жамилова Соғлиқни сақлаш вазирлиги томонидан тақдирланди.

Шифокорга вазир ўринбосари Э.Баситханова томонидан Соғлиқни сақлаш вазири Б.Мусаевнинг ташаккурномаси ва эсдалик совғалари топширилди.

Ўз навбатида, фавқулодда вазиятларда ўзини йўқотмай, касб бурчини сидқидилдан бажаришда жонбозлик кўрсатаётган соғлиқни сақлаш тизимининг бундай фидойи ходимлари миллий тиббиётимизнинг янги имижини яратишда муҳим роль ўйнаши таъкидланди.