Aудиторларни сертификатлаштириш тизими такомиллаштирилади

🔘 Қарорга кўра, 2021 йил 15 августдан Молия вазирлигининг қуйидаги функциялари аудиторларнинг жамоат бирлашмаларига ўтказилади:

▪️аудиторнинг малака сертификатини олиш учун малака имтиҳонларини ўтказиш;
▪️аудиторнинг малака сертификатини бериш, қайта расмийлаштириш, унинг амал қилиш муддатини узайтириш ва унинг амал қилишини тугатиш;
▪️аудиторларнинг малакасини ошириш дастурларини тасдиқлаш.

🔄 Малака имтиҳонларини ўтказиш регламенти аудиторларнинг жамоат бирлашмалари томонидан Молия вазирлиги билан келишилган ҳолда тасдиқланади.

🎓 2022 йил 1 августдан Тошкент давлат иқтисодиёт университети, Тошкент молия институти, Самарқанд иқтисодиёт ва сервис институтининг (тажриба-синов олий таълим муассасалари) бакалавриат таълими йўналишлари ва магистратура мутахассислигидаги “Бухгалтерия ҳисоби” ва “Аудит” фанлари бўйича аудитнинг халқаро стандартларини чуқур ўрганишни назарда тутувчи янгиланган ўқув дастурлари таълим жараёнига жорий этилади.

📌 Шунингдек, 2021 йил охиригача “Ҳуқуқ” ва “Солиққа тортиш” йўналишлари бўйича натижалари бухгалтерларни халқаро сертификатлаш доирасида қабул қилинадиган миллий малака имтиҳонини ўтказиш тизими жорий этилади.