Арманистон Қуролли кучлари ҳарбий хизматчиси Эдгар Алексанян ўқдан олган жароҳати оқибатида ҳалок бўлди.
Бу ҳақда Арманистон мудофаа вазирлиги маълум қилди.
"2 сентябрь куни соат 10:10да Эдгар Алексаняннинг ўқ жароҳати билан жасади ҳарбий қисмлардан бирининг қўриқлаш зонасида топилди", — дейилади хабарда.
Департамент маълумотларига кўра, воқеа ҳолатларига ойдинлик киритиш мақсадида тергов ҳаракатлари олиб борилмоқда.