Аргентинада Лионель Мессига бағишланган дунёдаги энг баланд ҳайкал очилди (видео)

Аргентинанинг Неукен вилоятида жойлашган Кутраль-Ко шаҳрида Лионель Мессига бағишланган дунёдаги энг баланд ҳайкалнинг очилиш маросими бўлиб ўтди.

Ole нашрининг хабар беришича, монумент маҳаллий ҳайкалтарош Альдо Бероиса томонидан яратилган. Ҳайкалнинг баландлиги 26 метрни ташкил этади.

Янги ёдгорлик шу пайтгача рекорд ҳисобланган Ҳиндистондаги 21 метрли Месси ҳайкалини ортда қолдирди ва дунёдаги энг баланд Месси ҳайкалига айланди.

Сўнгги кунларда Месси майдонда ҳам тарихий натижа қайд этди. ЖЧ-2026 доирасида у Германия терма жамоасининг собиқ ҳужумчиси Мирослав Клозе билан жаҳон чемпионатларида урилган голлар сони бўйича тенглашди. Аргентиналик юлдуз ҳисобида ҳозир 16 та гол бор.

Аргентина терма жамоаси ўзининг навбатдаги учрашувини 22 июнь куни Австрияга қарши ўтказади.

¡EN NEUQUÉN SE INAUGURÓ LA ESTATUA DE MESSI MÁS ALTA DEL MUNDO! 🇦🇷👀

La escultura realizada por el artista Aldo Beroisa se encuentra en Cutral Co, ciudad de Neuquén, y está ubicada sobre la Ruta Nacional 22. Supera a la estatua de Leo en India, que tiene 21 metros.

📷… pic.twitter.com/LHPAJvjQMR

— TyC Sports (@TyCSports) June 20, 2026