АҚШнинг биринчи хоними коронавирусга чалинди

АҚШ президенти Жо Байденнинг хотини коронавирусга чалинди. Бу ҳақда биринчи хонимнинг алоқа бўйича директори Элизабет Александр хабар берди.

"Душанба куни кечқурун, CОВИД-19 учун тест салбий натижа берганидан сўнг, биринчи хоним шамоллаш аломатларини кўрсата бошлади. Тезкор антиген тести салбий чиқди, аммо ПCР тести ижобий чиқди", деди Александр.

Унинг сўзларига кўра, биринчи хонимда коронавируснинг енгил аломатлари бор. У Жанубий Каролинадаги резиденциясида камида беш кун изоляция қилинади ва иккита салбий CОВИД-19 тест натижаларини олгандан кейингина Оқ уйга қайтади. Даволаш учун Жилл Байденга Пахловид дори курси буюрилди.