АҚШ Яқин Шарққа қўшимча ҳарбий кема юборди

АҚШ денгиз флоти минтақада сезиларли даражада ҳарбий куч тўпланиши ва кескинликнинг кучайиши фонида Яқин Шарққа қўшимча ҳарбий кема юборди.

Бу ҳақда Reuters ахборот агентлиги хабар бермоқда.

"USS Delbert D. Black эсминеци минтақага кирди. Бу Форс кўрфазидаги АҚШ эсминецларининг умумий сонини олтитага етказди, шунингдек, битта авиаташувчи ва учта қирғоқбўйи жанговар кемаси", деди манба.

28 январь куни АҚШ Давлат котиби ва миллий хавфсизлик бўйича маслаҳатчиси Марко Рубио Вашингтон Эронга қарши ҳарбий операция эҳтимолини истисно қилмаётганини, бу АҚШ томонининг фикрича, профилактика чораси бўлиши мумкинлигини айтди. Рубио АҚШ Эрон атрофидаги сўнгги кескинликларга жавобан Яқин Шарқдаги ҳарбий иштирокини оширишда давом этиш ниятида эканлигини тасдиқлади.

Аввалроқ АҚШ президенти Дональд Трамп Эронга "улкан армада" йўл олаётганини айтган эди. У Теҳрон музокаралар столига ўтириб, "адолатли ва тенг ҳуқуқли" келишувга, жумладан, "ядровий қуролдан тўлиқ воз кечиш"га эришишига умид билдирди. Америка етакчиси ўтган йилнинг июнь ойида АҚШ Ислом Республикасидаги ядровий иншоотларга зарба берганини ва бу ҳаракат "Ярим тунда болға операцияси" деб номланганини эслади. Трамп "кейинги ҳужум янада баттар бўлишини" эълон қилди ва "бунга йўл қўймасликка" чақирди.