АҚШ Женевадаги Биологик ва токсик қурол-яроғларни тақиқлаш тўғрисидаги конвенцияга аъзо давлатлар йиғилишида Украинадан фуқароларнинг патоген (касаллик қўзғатувчи) штаммлари ва биомериаллари намуналари олиб чиқилганини тан олди. Бу ҳақда Россия Қуролли кучларининг радиация, кимёвий ва биологик ҳимоя қўшинлари раҳбари Игорь Кириллов маълум қилди.
“АҚШ ва Украинанинг Украина фуқароларидан штаммлар ва биоматериаллар олиб чиқиш ва ҳарбий хизматчилар, кам таъминланган фуқаролар ҳамда аҳолининг энг ҳимояланмаган қатламидан бири – руҳий касалхоналар беморларида тадқиқот ўтказишда этика меъёрларига риоя қилишга оид тушунтиришлари ғоят ишонарсиз бўлди”, - деди у.
Кирилловнинг таъкидлашича, бу масалани муҳокама қилиш чоғида Америка делегацияси шунга ўхшаш фактларни тан олган ва “шу билан бирга, АҚШга патоген биоматериллар намуналари бериш “гоҳида бўлиб турганини” айтган”
Женевада 5-9 сентябрь кунлари Биологик ва токсик қурол-яроғларни тақиқлаш тўғрисидаги конвенцияга аъзо давлатлар йиғилиши бўлиб ўтган. Россия АҚШ ва Украина конвенциянинг I ва IV моддаларини бузганлиги учун уни ўтказиш ташаббуси билан чиққан. Кирилловнинг сўзларига кўра, Россия томонидан тақдим этилган ҳужжатлар, жумладан, Украина биолабораторияларидаги патоген материаллар тўплангани қисми ҳақиқий эканлиги бирор бир делегацияда шубҳа туғдирмаган.
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Гарри Каспаров террорчи сифатида тан олинди
