АҚШ президенти Конгрессдаги нутқ сўзламоқда

Трамп нутқи бошида мамлакатдаги вазият ҳақида сўз юритар экан, Қўшма Штатлар аввалгидан қудратлироқ, яхшироқ ва бойроқ бўлганини айтди.

"Ҳурматли Конгресс аъзолари ва менинг ватандош америкаликларим, мамлакатимиз қайтди, у ҳар қачонгидан ҳам каттароқ, яхшироқ, бойроқ ва қудратлироқдир", — дея таъкидлади АҚШ президенти.

Трамп, шунингдек, АҚШнинг душманлари ундан қўрқаётганига ишонч билдирди.

Трампнинг бошқа қизиқ баёнотлари

- Доналд Трамп АҚШ Конгресси олдида нутқ сўзлаётган пайтда “Қора танлилар маймун эмас!” деб ёзилган плакатни кўтарган демократ қонунчи Эл Грин залдан чиқариб юборилди.

- Трамп давлат маблағлари билан боғлиқ фирибгарликка қарши кампания бошланганини эълон қилди. "Бугун давлат маблағлари билан боғлиқ фирибгарликка қарши уруш бошланганини расман эълон қиламан. Аслида бу ҳаракат тўрт ой аввал бошланганган эди. Уни бизнинг ажойиб вице-президентимиз Жей Ди Вэнс бошқаради", — деди АҚШ президенти.

- Трамп АҚШ Венесуэладан 80 миллион баррел нефт олганини эълон қилди. Унинг сўзларига кўра, Венесуэлада нефт қазиб чиқариш ҳажми кунига 600 минг баррелдан ортиқ миқдорга ошган.

- Биз Россия ва Украина ўртасидаги уруш, қотилликлар ва қонли тўқнашувларга барҳам бериш учун жуда қаттиқ ишлаяпмиз.

- АҚШ томонидан Украинага юборилаётган барча қурол-яроғлар учун харажатларни NATO тўлиқ қопламоқда.

- Трамп Эрондан ядро қуролини ҳеч қачон ишлаб чиқармаслик бўйича ваъда олмаганини маълум қилди. "Улар келишув тузмоқчи, бироқ биз улардан ҳеч қачон ядро қуролига эга бўлмасликлари ҳақида ҳеч нарса эшитмадик", — деди АҚШ президенти Конгрессга қилган муоржаати чоғида.