АҚШ можаро тугаганидан кейин Украинага ҳарбий ёрдам беришни давом эттириш ниятида

Қўшма Штатлар Украинага қуролли можаро бартараф этилгандан кейин ҳам ҳарбий ёрдам кўрсатишни режалаштирмоқда.

Бу ҳақда АҚШ президенти Дональд Трамп томонидан мамлакат Қуролли кучлари штаб бошлиқлари бирлашган қўмитаси раиси лавозимига номзоди илгари сурилган Дэн Кейн маълум қилди.

"Уруш тугаганидан кейин биз Украинага армиясини ривожлантириш ва узоқ муддатли барқарорликни таъминлашда ёрдам беришда давом этишимиз керак", деди Кейн ўзининг тасдиқлов тинглови олдидан АҚШ сенаторларининг саволларига ёзма жавобларида.

Унинг сўзларига кўра, Қўшма Штатлар Украинанинг мудофаа қобилиятини қўллаб-қувватловчи давлатлар тармоғининг бир қисмидир ва Европа Киевга ёрдам улушини оширар экан, ўзига хос ҳарбий ресурслар билан таъминлашга эътибор қаратиши керак.