АҚШ ҳарбийлари Ҳўрмуз бўғозидаги халқаро судоходлик йўлларини миналардан тозалаш операциясини якунлади. Бу ҳақда АҚШ Марказий қўмондонлиги — СЕНТКОМ раҳбари Брэд Купер маълум қилди.
Қўмондонлик унинг чиқиши акс этган видеони X ижтимоий тармоғида эълон қилди.
Купернинг сўзларига кўра, миналар бир неча ой аввал Эрон Ислом инқилоби қўриқчилари корпуси томонидан ўрнатилган. Операцияда АҚШ Ҳарбий-денгиз кучлари ғаввослари, Navy SEALs махсус бўлинмаси жангчилари, шунингдек, қуруқлик қўшинлари, Ҳарбий-денгиз кучлари, Ҳарбий-ҳаво кучлари ва Денгиз пиёдалари корпуси авиацияси иштирок этган.
«Энг муҳими, бугун халқаро судоходлик йўналишлари очиқ ва ижобий суръат тобора кучаймоқда», — деди Купер.
СЕНТКОМ маълумотига кўра, сўнгги бир неча ой давомида АҚШ кучлари Ҳўрмуз бўғози орқали қарийб 1,5 мингта тижорат кемасининг хавфсиз ўтишини таъминлаган. Ушбу кемалар жами тахминан 750 миллион баррель нефть ташиган.
Ҳиндистонда тўрт қўл ва тўрт оёқли чақалоқ туғилди (фото)
Киевнинг бир неча ойи қолди
"Бу босиб олинган ҳудуд эмас. Бу бизнинг еримиз..."
